Fan de Luna !

coma Autors coma Cèl

Los poèmas son de parpalhòls que vòlan dins lo cèl
puèi que se pausan dins un recanton de nòstra memòria.
Tornan, de còps que i a, per nos acompanhar sus los camins de la vida.
Les poèmes sont des papillons qui volent dans le ciel puis qui se posent dans un coin de notre mémoire.
Ils reviennent, parfois, pour nous accompagner sur les chemins de la vie.

Vos ofrissèm tres parpalhòls de prima
(deux papillons de printemps -two spring butterflies - zwei Frühlingsschmetterlinge)
 

Max ROQUETA

NOCHE ESCURA
 
    Me posquèsse oblidar,
se durbirián las pòrtas,
    lo vent se levariá,
la font, l'aiga i vendriá en boca,
    e dins sa nuòch
m'aprefondiriái tot en un camin d'estelas.

D'aicí mil ans de lutz.
Edicions Jorn,1995.

 NUIT OBSCURE
 Pourrais-je oublier,
que s'ouvriraient les portes,
le vent se lèverait,
la source, l'eau, lui viendraient à la bouche,
et dans sa nuit
je me perdrais tout entier dans un chemin d'étoile.

                                                   (traduction de l'auteur)

Felip GARDY

Aquela estrifadura de cèu blau
coma un esbleugiment definitiu
estrecha mobilitat de la vida que s'escarraunha
e cerca
a paupas
un darrier camin solelhat

puèi s'afondra
ais aigas estadissas

Lo paisatge endemic.
Edicions Jorn-Fédérop - 1982.

Joan-Ives CASANOVA
 

quau saupriá descriure leis alenadas de la mar, leis enòdis de l'èrsa

batejada pèr l'amor, quau saupriá, dins la votz, dessenhar l'ombra

dau gest que l'enaura ; sota la mar i a que lo cèu e d'objèctes

trists arrengueirats sus una taula blava, de pelhas de sang e de sau,

de goteletas d'aiga sus la gauta, quau saupriá dire l'agach dau temps

sus lo blau de la cortina, la riba de terra oferta, l'aire e la dralha

que davaleriam dins l'encaminament dau jorn ; fàcia a son còs alanguit

que la barca trenca dins son debanament, lei mans sus la fusta

de la taula, blau sus lo blau, lo soleu frusta la musica d'un aire

conoissut que sol l'òme assabentat de son nom ne podriá dire la lindetat

Elegias vengudas de Negre e de Mar
Edicions JORN, 1995.

qui saurait décrire les respirations de la mer, les ennuis de la vague
baptisée par l'amour, qui saurait, dans la voix, dessiner l'ombre
du geste qui l'élève, sous la mer il n'y a que le ciel et les objets
tristes et alignés sur une table bleue, des haillons de sang et de sel,
des petites gouttes d'eau sur la joue, qui saurait dire le regard du temps
sur le bleu du rideau, la rive de terre offerte, l'air et le sentier
que nous avons dévalé dans le cheminement du jour ; en face de son corps alangui
que la barque coupe dans son accomplissement les mains sur le bois
de la table, bleu sur le bleu, le soleil frôle la musique d'un air
inconnu dont seul l'homme inspiré par son nom pourrait dire la pureté

 (traduction de l'auteur)

retorn